லஷ்மி

லஷ்மிக்கு வயது பத்து. என்னுடையவளாகி ஒன்றரை வருடம் தான் ஆகிறது. முதல் வருடம் நன்றhக கவனித்துக் கொண்டேன். சுறுசுறுப்பாக சலனமில்லாமல் இயங்க உயர்தர வகை ஊட்டம்தான். பளபளவென்று இல்லாவிடிலும் அழகான மேனியும் தோற்றமும். அவளுடைய கோரிக்கைகள் மிகவும் குறைவானது. என்னால் சமாளிக்க முடிந்தது. பிறகு வேறு மாநிலம் மாறவேண்டியிருந்தது. புது இடம் சென்றவுடன் லஷ்மியின் இயக்கத்தில் மாறுதல் தோன்றியது. எனக்கும் அவளை கவனிப்பதற்கு கஷ்டமாக இருந்தது. இடம் புதிது. மக்கள் புதிது. நிபுணர்கள் அவ்வளவு நன்றhக அமையவில்லை. ஒவ்வொரு வாரமும் ஒரு சங்கடத்திற்காக நிபுணரிடம் காண்பித்தேன். கடைசியில் நம்பகமான நிபுணர் ஒருவரைப் பார்த்ததில் ஒரு பெரிய பழுதை பொருத்தவேண்டியிருந்தது. நல்ல செலவு செய்து
பொருத்தினேன். லஷ்மியின் இயக்கத்தில் நல்ல முன்னேற்றம். எனக்கும் மகிழ்ச்சி.





ஒரு வாரம் கழித்து மாநில சாலை அபாய பரிசோதனையில் எந்த தடையுமின்றி தேர்வுப் பெற்று விட்டாள் லஷ்மி.